Spasovski negativ ndaj koronavirusit, mbetet në izolim shtëpiak

Advertisment

Kryeministri, Oliver Spasovski në profilin e tij në Fejsbuk kumtoi se testi që i është bërë për koronavirus është negativ, por se mbetet në izolim shtëpiak derisa t’i marrë rekomandimet nga epidemiologët.

“Sapo i mora rezultatet nga testi i sotëm për Kovid-19. Testi është negativ dhe nuk kam kurfarë simptome, ndërkaq derisa nuk i marr rekomandimet zyrtare nga epidemiologët, do të qëndroj në izolim shtëpiak”, shkroi Spasovski në FB.

Reklame

Të gjithëve të cilët po përballen me virusin, ai u dëshiroi rikuperim të shpejtë dhe bëri thirrje të gjithë t’i respektojnë masat, në mënyrë që, siç tha, t’i mundësojmë sistemit shëndetësor ta mbajë kontrollin ndaj klasterëve ku paraqiten raste të reja të të sëmurëve.