Sqarim nga Ambasada e Suedisë për qytetarët e Maqedonisë, Kosovës dhe Shqipërisë

Advertisment

Ambasada e Suedisë në Shkup ka sqaruar gjithë qytetarët që kanë aplikuar për leje pune që mos të bëhen viktima të kompanive që deklarojnë se mund të ndihmojnë në ambasadë për të marrë vizën e punës për Suedi, transmeton Portalb.mk.

“Ambasada ka vërejtur disa raste të kompanive që pohojnë se mund t ofrojnë ndihmë me punësimin dhe për aplikacionin për vizë pune në Suedi. Aplikantëve ju është thënë që nuk duhet të aplikojnë personalisht në ambasadë, sepse kompania do të aplikojë në emër të tyre. Kjo nuk është e vërtetë”, sqarojnë nga ambasada.

Reklame

Ambasada njoftoi se nuk bashkëpunon me asnjë agjenci punësimi privat, si në Maqedoninë e Veriut, ashtu edhe në Kosovë dhe Shqipëri.

“Aplikimi juaj duhet të bëhet në kontakt të drejtpërdrejtë me punëdhënësin në Suedi”, njoftojnë nga ambasada, duke sqaruar se ekzistojnë vetëm dy mënyra për të aplikuar për vizë pune.

Një nga mënyrat për aplikim është drejtpërdrejt në objektin e Ambasadës në Shkup, ndërsa mënyra tjetër është përmes aplikimit online në sistemin elektronik të Agjencisë së Migracionit të Suedisë.