Stamboll, pas 86 vjetësh, lutjet e së premtes mbahen në xhaminë Aja Sofia

Advertisment

Pas 86 vjetësh, besimtarët myslimanë në Turqi do t’i mbajnë lutjet e së premtes në objektin e ish-muzeut të Shën Sofisë, të cilin Turqia e ktheu në një xhami, përmes një dekreti presidencial.

President turk, Recep Tayyip Erdogan dhe aleatët e tij konservatorë do të marrin pjesë në lutjet në monumentin që u ndërtua në shekullin e 6-të nga perandori bizantin Justiniani I, si kisha më e madhe në botën e krishterë.

Reklame

Mozaikët e krishterë bizantinë, brenda ndërtesës do të mbulohen me perde në kohën e lutjes.

Shën Sofia, apo siç njihet në Turqi Aja Sofia u shndërrua në një xhami pas pushtimit otoman të Kostandinopojës, Stambollit të ditëve të sotme, më 1453.
Statusi i saj u ndryshua në një muze përmes një dekreti të vitit 1934 të nënshkruar nga themeluesi i republikës moderne turke, Mustafa Kemal Ataturk.

Ky vend është një nga atraksionet më të njohura turistike të Turqisë, me 3.7 milionë vizitorë në vitin 2019.

Erdogan është zotuar se do ta mbajë të hapur për turistët./REL/