Pjesa më e madhe prej 600 dasmave, të parashikuara për këtë verë vetëm në Strugë, janë anuluar ose janë në pritje. Planet e të gjithëve u prishën nga pandemia e koronavirusit. Hotelierët dhe restorantet tashmë po numërojnë humbje të mëdha financiare. Do të jetë gjithashtu e vështirë të organizohet dasmë në kushte të tilla me masa të rrepta në distancë, ndalimi për grupime dhe mbajtje të maskave.

E dini se si janë zakonet tona, kur të fillojnë të gjithë të puthin dhëndrin dhe nusen, për mirëseardhje dhe dhurata. Ne duhet të mendojmë se si të ecim përpara dhe si t’i ndryshojmë ato zakone. Me këto kushte të dhëna, të gjitha dasmat janë anuluar … “-tha Kërste Bllazheski-hotelier nga Struga.

Punëtorët e hotelit thonë se shumë dasma janë planifikuar për vitin e ardhshëm, pasi shumica e tyre kanë të bëjnë me ardhjen e mërgimtarëve.

Edhe bizneset e tjera tangohen drejtpërdrejt nga kjo situatë. Muzikantët janë ndër më të prekurit nga biznesi i ngecur.

A po mendon shteti fare për këtë?” A ka ndonjë plan për ne? Kujt do ti këndojmë?”-pohoi Igor Bezhanoski-Kryetar i Shoqatës së Muzikantëve.

Situata është e ngjashme edhe në Ohër, ku janë planifikuar rreth 400 dasma për këtë periudhë, por tashmë janë anuluar. Qeveria ende nuk i ka publikuar protokollet për mbajtjen e dasmave dhe festave të tjera, nëse dikush vendos të ndërmarrë një hap të tillë këtë verë.