Talat Xhaferi hospitalizohet në Klinikën infektive

Advertisment

Kryetari i Kuvendit, Talat Xhaferi sot është hospitalizuar në Klinikën e Sëmundjeve Infektive.

Nga BDI konfirmuan për “360 gradë” se Xhaferi është pranuar në spital për kontroll sistematik dhe se në testin për Kovid-19 ka rezultuar negativ.Xhaferi i cili sipas Kushtetutës duhet ta thërrasë seancën konstitutive të Parlamentit të ri deri më 4 gusht, kohët e fundit deklaroi se do të testohet para se të mbahej seancë dhe se do të sugjerojë që edhe deputetët e tjerë të zgjedhur ta bëjnë të njëjtën.

Reklame

Nëse Xhaferi nuk është në gjendje ta caktojë seancën konstitutive, dispozitat kushtetuese dhe ligjore përcaktojnë që anëtari më i vjetër i Parlamentit të ri ta bëjë këtë.

Dje dhe pardje, ministrat e Arsimit dhe Shkencës dhe Ekonomisë, Arbër Ademi dhe Kreshnik Bekteshi njoftuan se janë pozitivë në Kovid-19.