Tetovë, nga e marta nëpër qytet nuk mund të lëvizni pa maska

Nga e marta qytetarët e Kumanovës, Prilepit dhe Tetovës nuk do të guxojnë të qarkullojnë pa doreza dhe maska, ose një shall përreth gojës. Punët në qytet ato nuk mund t’i kryejnë pa mjete mbrojtëse, mëson TV21.

Ky vendim erdhi në seancën e sotme Qeveritare, për të parandaluar përhapjen e virusit korona. Zakonisht për shkak të orës së gjatë policore, krijohen turma të qytetarëve përpara marketeve, bankave dhe operatorëve telefonik, me çka Qeveria i obligon qytetarët që të bartin maska.