Tragjedi në jugun e Shqipërisë, moto-skafi godet për vdekje fëmiun 7-vjeçar

Ka vetëm dy ditë që ka hyrë muaji gusht dhe jemi në “pikun” e verës.
Ndryshe, nga ç’mund të pritej, bregdeti në Jug të Shqipërisë është bosh.

Duket se turistët janë ndikuar nga çmimet e shtrenjta dhe kanë zgjedhur ta bojkotojnë plazhin tonë. Sakaq, edhe shërbimi është një tjetër pikë që “ka çaluar” prej kohësh dhe këtë sezon veror është nxjerr në pah më shumë.

Si të mos mjaftonte me kaq, një ngjarje e rëndë ka ndodhur në orën 14:00 të kësaj të marte.

Shtetasi me iniciale Arjan Tase., duke drejtuar një mjet lundrues tip skaf, dyshohet se ka humbur kontrollin mbi drejtimin e mjetit lundrues dhe për pasojë mjeti lundrues ka goditur një fëmijë rreth 7 vjeç, i cili për shkak të dëmtimeve ka ndërruar jetë në vendngjarje.

Sipas burimeve të ABC, Arjan Tase, është një ish-shef i komisariatit në Himarë, ndërsa tashmë mban detyrën e Komisarit në Elbasan.

Ndërkohë qytetarët që kanë filmuar këtë ngjarje të rëndë dëgjohen teksa i drejtohen drejtuesit të skafit me fjalë ofenduese.