Trump do të pezulloj aplikimet për qëndrim të përhershëm në SHBA

(AFP OUT) Mandatory Credit: Photo by ALEX WONG/POOL/EPA-EFE/REX/Shutterstock (9307466g) US President Donald J. Trump speaks during a meeting in the Roosevelt Room of the White House, Washington, DC, USA, 04 January 2018. President Trump met with Republican members of the Senate to discuss immigration. President Trump meets GOP senators at the White House, Washington, USA - 04 Jan 2018

Presidenti i Shteteve të Bashkuara, Donald Trump, tha se do t’i pezullojë aplikimet e shtetasve të huaj për qëndrim të përhershëm në SHBA, për shkak të pandemisë së koronavirusit.

Trump tha se kjo masë do t’i mbrojë vendet e punës për amerikanët. Nuk është e qartë ende se sa efektive do të jetë ajo, pasi shumica e shërbimeve të vizave tashmë janë pezulluar për shkak të koronavirusit.

Kritikët thonë se Trump po përpiqet të tërheqë vëmendjen nga përgjigjja e tij ndaj pandemisë. Shtetet e Bashkuara kanë mbi 45,000 viktima. Demokratët po ashtu e akuzojnë administratën se e shfrytëzon pandeminë për të goditur imigrimin.

Kjo çështje, për kohë të gjatë, ka qenë temë e fuqishme e fushatës së Trumpit, i cili vjen nga radhët e Partisë Republikane, por ajo ka dalë në plan të dytë gjatë krizës me koronavirus. Trump tha se urdhri ekzekutiv me vendimin ka gjasa të nënshkruhet të mërkurën.

Më shumë se 20 milionë amerikanë kanë humbur punën, për shkak të masave të izolimit nga pandemia e koronavirusit. Trump tha se Qeveria e tij ka një “detyrë serioze” për të siguruar rikthimin e punës për ta.