Trump: Duam të hyjmë në Kinë të shohim se çfar po ndodh

Të dielën, gjatë konferencës së tij të shtypit në Shtëpinë e Bardhë, Trump tha se ai nuk është i lumtur me Kinën, me sjelljen e saj per koronavirusin.

“Ne folëm me ata shumë kohë më parë për të hyrë brenda. Duam të hyjmë. Ne duam të shohim se çfarë po ndodh. Dhe nuk ishim të ftuar”, tha ai.

“Unë isha shumë i lumtur me marrëveshjen për tregtinë me Kinën, shumë të lumtur me gjithçka dhe më pas mësuam për këtë e nuk jam i lumtur”, u shpreh Trump.

SHBA ka nisur një hetim nëse virusi vdekjeprurës “shpërtheu” nga Instituti Vuhan i Virologjisë. Ai ka shprehur vazhdimisht zhgënjime për reagimet e Kinës ndaj sëmundjes së koronavirusit, duke pretenduar mostransparencë dhe mosbashkëpunim fillestar nga Pekini me Uashingtonin për trajtimin e krizës.

“Bazuar në një hetim, ne duhet që të zbulojmë”, tha Trump.