Trumpi francez: Prindërit do ta kenë të ndaluar t’iu vënë fëmijëve emrin Muhamed!

Komentuesi i së djathtës ekstreme, tashmë kandidat për president të Francës, Eric Zemmour, ka thënë se nëse zgjidhet në krye të shtetit, qytetarët francezë nuk do të kenë të drejtë që djemve të tyre t’iu vendosin emrin Muhamed.

Zemmour të martën e publikoi zyrtarisht kandidaturën për president. Përmes një videoje të publikuar në Facebook, ai paraqiti myslimanë duke u falur rrugëve për të bërë fushatë kundër Islamit.

Reklame

Kritikat e tij të ashpra ndaj Islamit dhe migracionit i kanë siguruar përkrahje edhe nga baza e votuesve të Le Penit, edhe nga e djathta tradicionale konservatore, shkruan Reuters.