Vazhdon hudhja e mbeturina tek ish deponia në Tetovë

Qytetarë të pandërgjegjshëm përsëri po hedhin mbeturina në vendin e vjetër – në hyrje të qytetit nga drejtimi i Shkupit ku më herët ishte stacion i ngarkimit dhe ishte krijuar deponi e jashtëligjshme.

Mbeturinat janë hedhur përgjatë rrugës e cila është hyrje dhe dalje e qytetit drejtë rrugës së vjetër Tetovë-Shkup, ndërsa njëherësh edhe zonë ekonomike ku funksionojnë shumë subjekte afariste. Janë lënë pjesë të mobilieve, mbeturina komunale por edhe mbeturina të cilat shihen se janë mbetje e prodhimtarisë së fabrikës.

Reklame

Që nga gushti i vitit 2019 në atarin e fshatit Falishë është lokacioni i ri ku ndërmarrja publike komunale Tetovë e shfrytëzon si stacion ngarkimi, ndërsa njëherësh si vend tjetër ku qytetarët mund të dërgojnë mbeturina voluminoze dhe mbeturina të tjera më të mëdha. fc/