VMRO kërkon nga Qeveria të publikojë propozimin që Zaevi i ka dhënë Bullgarisë

Opozita maqedonase VMRO e akuzon Zaevin se vë përsëri në tryezë hapjen e Kushtetutës dhe premton gjëra për të cilat nuk ka pëlqim nga populli.

VMRO kërkon nga Qeveria të njoftojë propozimin e paraqitur nga kryeministri Zaev për palën Bullgare.

“U njoftua gjithashtu se Zaev i kishte paraqitur një propozim qeverisë Bullgare. Publiku ka të drejtë të dijë se çfarë propozimi dhe çfarë dhurate po i ofron Zaev kësaj here Sofjes zyrtare.

A nuk u negociua vetëm propozimi portugez? Zoran Zaev me çdo deklaratë të re shet gjithnjë e më shumë, pozicionet e shtetit me Zaev janë lëkundur përgjithmonë.

 

A përmban propozimi i Zaev gjëra që shesin identitetin dhe historinë. Zaev, përmes deklaratave të tij, minon përgjithmonë pozicionet e Maqedonisë”, thonë nga VMRO-DPMNE

Nga kjo parti shtojnë se mbetet e hapur çështja cilët janë pesë personalitetet historike, për të cilat ka pajtueshmëri në mes komisioneve historike për të cilat Zaev negocion.