Zemaj: Në rast se rritet infeksioni mund të kthehet testi PCR në kufij me Maqedoninë

Advertisment

Qytetarët e Maqedonisë së Veriut mund të hynë në Kosovë pa testin PCR si dëshmi se nuk janë të infektuar nga virusi COVID-19.

Por, sipas ministrit të Shëndetësisë, Armend Zemaj, kjo mund të ndryshojë në rast se vërehen rastet në rritje të infeksionit.

Reklame

Zemaj ka bërë apel për të dy vendet që të kenë kujdes.

“Ju bëjmë thirrje qytetarëve të të dyja vendeve, të jenë të kujdesshëm, t’i përmbahen rekomandimeve dhe të udhëtojnë në shtetet e ndërsjella, nëse e kanë të domosdoshme”, ka shkruar ndër tjerash Zemaj.

Më 12 tetor hyri në fuqi vendimi që të hapen kufirit në mes Kosovës e Maqedonisë së Veriut pa qenë i obligueshëm testi PCR.