Zonja Mogherini shumë bre po përziheni në punët e brendëshme të Republikës së Kosovës

56

Ejup Berisha

Zonja Frederika Mogherini ju lutem më thuani çfar po ju pengon taksa e Kosovës e aplikuar për futjen e mallërave dhe produkteve të Serbisë në teritorin e Republikës së Kosovës këtu në këtë qështje nuk po ju kuptoj aspak.

Sa e di unë çdo shtet ka të drejtë të miratoj çfardo lloj vendimi politik me të cilin do ti mbroj të drejtat dhe interesat e veta shtetërore në raportet e brendëshme vendore, ato rajonale dhe ndërkombëtare dhe sipas të njëjtës rregull askush nuk mund ti tregoj një subjekti shtetëror se çfar vendimi duhet të miratoj apo nuk duhet të miratojë ai. Zonja.Sa çudi ju si kryediplomate europjane me ngulm kërkoni që sa më shpejtë të hiqet taksa.

Zonja Mogherini bota është përplot me probleme të cilat janë më të rënda apo edhe më të vështira për ti zgjidhur prandaj ju si funkcionare e lartë e Bashkimit Europjan së bashku me kolegët e tu brenda BE-së duhet tu çaseni sa më shpejtë dhe me seriozitetin më të madh zgjidhjes së tyre sepse këto probleme dhe vështërsi më të mëdha dhe më të rënda ndërkombëtare ndërsa ju jeni kapur për taksën e cila është një pikë uji i derdhur në Oqean në raport me problemet dhe vështërsitë që i përmenda më lart.

Zonja Mogherini lereni Republikën e Kosovës që të merret me ushtrimin e sovranitetit të vet shtetëror, ky pra është vendimi i parë dhe më serioz me të cilin Republika e Kosovës dëshmon se është njëfar shteti i cili po bën përpjekje që pas një kohe bukur të gjatë të tregojë se është shtet e ju jeni ngritur të gjithë në këmbë dhe kërkoni me ngulm që autoritetet shtetërore të Kosovës ta heqin taksën me qëllim që të mund të vazhdojë dialogu Shqiptaro Serb për normalizimin e raporteve ndërshtetëroreKosovë-Serbi. Zonja Mogherini athua vallë po më duket mua apo është realitet se kohëve të fundit keni filluar që të përziheni shumë në punët e brendëshme të Republikës së Kosovës.

Ju pyes se pse nuk po e respektoni parimin apo dhe politikën e pranuar ndërkombtarisht atë të mospërzierjes në punët e brendëshme të shteteve të pavarura dhe sovrane. Zonja Mogherini pse nuk po e thuani asnjë fjalë të vetme për Serbinë e cila para dy dekadave ka ushtruar dhunë dhe presion të paparë mbi popullatën e pafajshme shqiptare në Kosovë. Serbia bile kohëve të fundit po bën presion të hatashëm për ndrrim teritoresh jo vetëm me Kosovën por edhe me Bosnjë e Hercegovinën dhe juve aspak nuk po u dëgjohet zëri për këtë insistim i cili për pasojë mund të sjell sërish luftë në rajonin e Ballkanit.

Ani pse idenë për shkëmbim teritoresh po e dëshiron dhe fuqishëm po e mbështet edhe Presidenti i Republikës së Kosovës Hashim Thaqi. Un zonja Mogherini nuk kamë dëgjuar asnjëher se një President shteti ka dalur me ide për shkëmbim teritoresh me një shtet tjetër duke e pasur parasyshë faktin se të gjitha shtetet e mbrojnë sovranitetin dhe integritetin e tyre teritorial më plot xhelozi dhe atë më shumë se sytë e ballit të tyre. Jo rastësisht edhe në Kushtetutat e shteteve thuhet se sovraniteti dhe integriteti teritorial i shteteve është i paprekshëm dhe i pandryshueshëm.

Por ja që paska edhe individ të tillë që janë të interesuar që tia fusin gërshërët teritorit të shtetit të vet me qëllim të zvoglimit të tij. Zonja Mogherini a po më duket vetëm mua apo është realitet se me insistimin për heqjen e taksës ju shumë jeni duke u përzier në punët e brendëshme të Republikës së Kosovës gjë që është në kundërshtim me parimin dhe politikën e pranuar ndërkombtarisht të mospërzierjes në punët e brendëshme të shteteve sovrane dhe të pavarura parim ky dhe politikë kjo e pranuar edhe nga Bashkimi Europjan.

Taksa zonja Mogherini do të hiqet vetëm atëher kur autoritetet shtetërore të Republikës së Kosovës do të sjellin vendim pa presione dhe pa ndikime nga jashta për heqjen e saj. Apo kur ta marrin lajmin se Republika e Serbisë e ka pranuar realitetin objektiv se Republika e Kosovës është shtet sovran e i pavarur. Zonja Mogherini ju lutem ju në Bruksel dhe në Itali hani sa të doni Pizza,spagheta, panini dhe patatini dhe lereni Kosovën që lirshëm dhe në mënyrë të pavarur që ti kryej obligimet e saja shtetërore në mesin e tyre edhe të miratoj taksa dhe ndalesa për mallëra dhe shërbime që mund të hyjnë dhe nuk mund të hyjnë në Kosovë sepse ky shtet ka të zotë të vetë.