Zvicër: 60 të vdekur dhe 7014 të infektuar nga koronavirusi

Zyra Federale e Shëndetit Publik (BAG) sapo ka raportortuar: Në Zvicër janë 7014 raste të konfirmuara të infektimit me koronavirus. Numri i të vdekurve në këtë moment ka arritur në 60, shkruan srf.ch duke iu referuar të dhënave nga BAG.

Kantonet e Ticinos, Basel-Stadtit dhe Vaudit janë më të prekurit. Sipas raportit të situatës së azhurnuar për situatën epidemiologjike, në kantonin e Ticinos ku incidenca është më e madhja në vend, janë 283.5 raste të prekur në 100 mijë banorë, transmeton albinfo.ch. Në vendin e dytë dhe të tretë vijnë kantonet Vaud (205.8) dhe Basel-Stadt (203.8).

Në të gjithë botën, më shumë se 300,000 infeksione janë raportuar deri në mëngjesin e të dielës, nga të cilat kanë vdekur më shumë se 13,000 njerëz . Vetëm në Itali, janë infektuar më shumë se 53,000 njerëz dhe kanë vdekur 4,825.