Zyrtarët e BDl i japin llogari njëri tjetrit, Saraji me 23 fshatra e vetëm 4 salla sport (VIDEO)

Advertisment

Në oborr të shkollës i pritën si në odë burrash. Rresht njëri pas tjetrit, për t’u uruar mirëseardhje zyrtarët e qeverisë nga rradhët e BDI-së.

Në Gllumovë të Sarajit ata erdhën për të parë sallën e re të sportit.

Reklame

Zëvednëskryeministrit Sadulla Duraku gjendja aty iu duk e mirë.

“Shumë mirë. E sheh çka do të thonë kushtet”, theksoi Sadulla Duraku.

Tek drejtori i shkollës u interesua nëse ka mjaftushëm nxënës.

“Duraku: Fëmijë a keni?

Drejtori: Kemi! Dhe fatmirësisht numri nuk zvogëlohet por rritet.

Duraku: Bravo!

Kryetari i Sarajit Blerim Bexheti i tregoi se sa është rritja e numrit të nxënësve në vit.

“10 deri në 20 në nivel komunal”, tha Blerim Bexheti.

E krahas shtimit të nxënësve, në 23 fshatrat e Sarajit me mbi 35 mijë banorë ka vetëm 4 salla sportive. Bexheti thotë se kanë ambicie për të bërë salla të reja por duhet kohë.

“Kuptohet do një kohë realizimi i projekteve, për momentin janë katër salla që funksionojnë në mënyrë të plotë”, tha Blerim Bexheti, kryetari i Komunës së Sarajit.

Kjo vizitë e zëvednëskryeministrave dhe ministrave të BDI-së u bë si forma kërkimi i llogarisë nga kreu i komunës që po ashtu i takon BDI-së.

Pasi vizituan shkollën “Sami Frashëri” kërkimin e llogarisë e vazhduan në vendbanime të tjera, por duke qenë se secili zyrtar ishte me makinën e vet zyrtare, kjo shkaktoi kolona nëpër rrugët e ngushta të Gllumovës.