Skuadra e udhëhequr nga trajneri, Ardian Kozniku barazoi pa gola në ndeshjen e zhvilluar në stadiumin “Tumbe Kafe”, duke mos arritur që të vazhdojë rrugën e fitoreve që e nisi nga ndeshja me Sileksin….

Shkëndija nuk ka arritur më shumë se një barazim në derbi ndeshjen e javës së 8-të kundër Pelisterit në Manastir. Skuadra e udhëhequr nga trajneri, Ardian Kozniku barazoi pa gola në ndeshjen e zhvilluar në stadiumin “Tumbe Kafe”, duke mos arritur që të vazhdojë rrugën e fitoreve që e nisi nga ndeshja me Sileksin.

Edhe pse kjo ndeshje ishte paralajmëruar si një derbi i madh, në fund e njëjta nuk meritoi një epitet të tillë, bazuar në lojën që shfaqën dhe rastet që krijuan futbollistët e të dyja skuadrave.

Për dallim nga Shkëndija, Metalurgu falë golit të shënuar nga Petrov në minutën e 67-të mundi Teteksin midis Tetovës, ndërkohë Sileksi në Kratovë barazoi 1:1 ndaj skuadrës së parafundit në tabelë, Bregallnicës.

Duranski në minutën e 17-të kaloi në epërsi skuadrën vendase, ndërkohë për barazimin e skuadrës nga Shtipi u përkujdes, Vellkovski me golin e realizuar në minutën e 74-të. Me këtë barazim Sileksi lëshoi rastin që sërish të pozicionohet në vendin e dytë, që sërish zotërohet nga Pelisteri. /infosport/