Gjykata Kushtetuese pritet të deklarohet të mërkurën (sot) në lidhje me vendimin e Komunës së Çairit për ndryshimin e emrave të katër shkollave shqipe.
Nisma për verifikimin e kushtetutshmërisë së vendimit u ngrit nga drejtori i Inspektoratit të Pushtetit Lokal, Vanço Shehtanski.

Prej tre vitesh, katër shkollat shqipe me emrat e rinj si Imri Elezi, Jashar Bej Shkupi, Hasan Prishtina dhe Ismail Qemali, nuk mund të lëshojnë dëftesat e fundvitit me emrat e ndryshuar, sepse ato nuk njihen ende nga pushteti qendror.

Kjo çështje vazhdon të jetë politikisht e ndjeshme.