Kohën e fundit kryetarin e PDSH-së Menduh Thaçi jemi duke e parë tek emisioni “Opinion” që udhëhiqet nga Blendi Fevziu jo si mysafir me të cilin do bisedohet tema që kanë të bëjnë me pozitën e shqiptarëve të Maqedonisë, por si një panelist që prezanton qëndrimet e tij personale rreth temave të caktuara.

Kështu dy herat e fundit që Menduh Thaçi ka qenë tek “Opinioni” është biseduar për raportet Shqipëri-Sërbi. Kështu me 23 tetor (vetëm një ditë pasiqë mysafir tek “Opinioni” ishte kryetari i BDI-së, Ali Ahmeti), Menduh Thaçi ishte pjesë e panelit ku u bisedua në temën “Serbi-Shqipëri, a u teprua me nacionalizëm”. Në panel bashk me Menduh Thaçin ishin edhe Preç Zogaj, Mentor Nazarko, Fatos Lubonja, Mimoza Kusari dhe Glauk Konjufca.

Kurse mbrëmë te “Opinion” u bisedua për “Rama në Beograd,patriotizëm apo diplomaci?”. Pjesë të debatit përveç Menduh Thaçit ishin edhe Artan Hoxha, Luan Hajdaraga, Aldo Bumçi, Alfred Lela, Andi Bushati.

Për dallim nga Thaçi, Ali Ahmeti me 22 tetor ishte mysafir në emsionin “Opinion” dhe temë e bisedës ishin shqiptarët e Maqedonisë dhe përveç tjerash tregoi se si në vitin 2001, ish kryeministri Gjeorgjevski i kerkoi ndarjen e Maqedonise dhe se ai e ka refuzuar dhe aspak nuk është penduar.

Meqenëse edhe Ahmeti edhe Thaçi kanë raporte të mira me gazetarin Blendi Fevziu, për të mirën e shqiptarëve të Maqedonisë do ishte një debat në “Opinion” ku do ishin prezent këta dy lider të partive politike.

/tetova1/