Ndotja e ajrit merr qindra jetë njerëzish në Maqedoni. Sipas të dhënave të Bankës Botërore, çdo vit vdesin nga 1.350 qytetarë si pasojë e ndotjes së ajrit.

Kjo e dhënë është publikuar në raportin e BB-së tre vite më parë, ku thuhet se, nëse Maqedonia i arrin standardet evropiane të ekologjisë, do të ulë përqendrimin e grimcave PM10 dhe PM25 në ajër.

Por ndryshe nga këto shifra të BB-së, Instituti i Shëndetit Publik pretendon se në vitin 2011 numri i të vdekurve në Maqedoni, si pasojë e ajrit të ndotur, është vetëm 300.