Gjatë orëve të para të mëngjesit të ditës së premte në disa lagje të qytetit të Tetovës janë ndarë disa afishe propaganduese me mbishkrimin “Gati është “, “Fund “ ,” fundi i diktaturës “ku në të është shfaqur fytyrat e ministres së brendshme Gordana Jankullovska , ministrit të financave Zoran Stavrevski, kryeministrit Nikolla Gruevski dhe drejtorit të DSK-së Sasho Mihajkov.

Në bazë të informatave të portalit Gjurma.mk këto afishe janë shpërndarë rreth orës 1 pas mesnate dhe deri në orën 4 policia e Tetovës i ka mbledhur të njëjtat që të mos u bien në dorë qytetarëve të Tetovës. Edhe pse një gjë të tillë nuk është konfirmuar nga ana e policisë së Tetovës, një dëshmitarë i cili edhe kishte kishte arritur ti fshehë ato, për Gjurma.mk tha se policia e Tetovës ishte në rrugë duke i mbledhur të njëjtat.” Mua këtë ma kishin vendosur në xhamin e veturës dhe unë e futa në veturë, edhe pse pata një kontroll nga policia ata nuk mundën ti vërejnë të njejtata ” thotë dëshmitari i cili dëshiron të ngelet anonim. Çuditërisht afishet e këtilla nuk janë vërejtur gjatë ditës së djeshme në qytetin e Tetovës.