BDI nuk duket të jetë e shqetësuar nga përmbajtja e përgjimeve që pritet të publikohen. Ndërkohë që kryetari i kësaj partie Ali Ahmeti bëri thirrje që përgjimet të publikohen që të gjitha, duke lënë të kuptohet se nuk i trembet përmbajtjes, funksionarët e tjerë mund të shihen të relaksuar, madje dikush edhe duke organizuar “piknik”.
Ish-zv.ministri Safet Neziri, i cili aktualisht është Sekretar i Ministrisë së Arsimit dhe Shkencës ka marrë përsipër sot të gatuajë fli në hapësirën përballë shtëpisë së tij, në fshatin Hasanbeg të Shkupit. Ai ka publikuar fotot në profilin e tij në Facebook, ku njofton se në drekë është ftuar edhe ministri i Arsimit dhe Shkencës, Abdilaqim Ademi.