Myftiu Prof. dr. Qani ef. Nesimi e priti për vizitë pronarin e kompanisë Ecolog, z. Lazim Destani, i cili së bashku me një pjesë të lidershipit të kompanisë, erdhën për t’ia uruar atij ardhjen në krye të këtij institucioni të rëndësishëm fetar. Në një atmosferë me biseda të ngrohta mes dy palëve, mysafirët shprehën kënaqësinë e tyre duke i vlerësuar zhvillimet pozitive dhe ndryshimet demokratike brenda BFI-së dhe i dëshiruan dr. Nesimit shëndet dhe suksese në këtë mision të shenjtë.