Pas tretmanit të marë janë lëshuar në shtëpi 3 të lënduarit në përleshjen që ndodhi sonte në qendër të Tetovës, S.E 23 vjeç, SH.A 20 vjeç dhe SH.A 29 vjeç, Në spital vazhdon të qëndrojë për mjekim të mëtutjeshëm M.I 31 vjeç që është jashtë rrezikut për jetë.

……………………………………….

Katër persona janë plagosur në një incident midis disa personave në Tetovë.

Siç mësohet, incidenti i përgjakshëm ka ndodhur në pjesën qendrore të qytetit, kur dy grupet pas një zënke me motive të panjohura kanë nisur përleshjen fizike mes tyre ku janë përdorur edhe thikat.

Në këtë incident të rëndë para syve të qytetarëve, katër veta kanë mbetur të plagosur dhe se menjëherë janë dërguar në Klinikën e Tetovës. Autoritetet e kësaj qendre mjekësore kanë informuar për incidentin dhe katër të plagosurit, duke bërë të ditur se njëri prej tyre është në gjendje më të rëndë, për shkak të plagëve të rënda.

Policia e Tetovës ka kryer ekspertizën në vendin e ngjarjes dhe se ka marrë në pyetje personat e përfshirë në këtë incident, për të zbuluar motivet e tij.