Mesfushori shqiptar Blerim Xhemaili është përfolur shumë në mediumet italiane se në fund të edicionit do të largohet nga skuadra italiane, Napoli. Mediumet italiane raportojnë se ai është në fillim të negociatave për rinovimin e kontratës me Napolin. “Corriere dello Sport” ka raportuar se ka pasur takime mes Xhemailit dhe krerëve të klubit për vazhdimin e kontratës. Xhemaili 27-vjeçar me skuadrën e Napolit ka kontratë deri në qershor të vitit 2015. Mediumet gjermane të hënën kanë raportuar se skuadra e Schalkes dhe Borussia Moenchengladbach kanë shprehur interesim për ta transferuar mesfushorin e përfaqësueses së Zvicrës.