Operatorët celular VIP dhe ONE do të shkrihen në një kompani të vetme. Në një komunikatë nga Grupi “Telekom Austria” thuhet se austriakët do të posedojnë 55% të pjesëmarrjes në kompaninë e re, si dhe do të kenë kontroll të plotë mbi entitetin e sapokrijuar. Ndërsa “Telekom Slloveni” do të mbajë 45%. Marrëveshja, po ashtu, përfshin opsione për blerjen dhe shitjen nga “Telekom Slloveni” nga investimi i përbashkët në afat prej 3 vitesh nga përmbyllja e bashkimit. Mbyllja e transaksioneve pritet të finalizohet nga mesi i nëntorit, kur edhe do të publikohen më shumë të dhëna. Po ashtu, shkrirja është objekt i aprovimit nga ana e institucioneve kompetente në Maqedoni, dhe transaksioni pritet të mbyllet në tremujorin e parë të vitit 2015-të. ONE është operatori i tretë celular për nga madhësia në Maqedoni, me pjesëmarrje në treg prej 23.6% dhe me rreth 528 mijë shfrytëzues. Në vitin 2013-të, ONE arriti të ardhura prej 75,5 milion euro dhe fitim prej 14,4 milion euro. ONE posedon edhe platformën televizive “BOOM” dhe rrjetit digjital përmes të cilit transmetojnë televizionet në vend.