Partitë e koalicionit qeveritar akoma nuk kanë sqaruar pozicionet për emërimin e drejtorëve dhe sekretarëve shtetërorë nëpër institucionet dhe dikasteret e mbetura. Qeveria mbrëmë ka emëruar vetëm Sanja Lukarevskën, ushtruese të detyrës drejtor në Drejtorinë e të Ardhurave Publike, njofton Alsat.
Drejtoritë tjera në kuadër të ministrive si dhe ato të ndërmarrjeve publike do të mbeten çështje debati mes partive dhe grupeve të punës. Partitë nuk shpjegojnë se cilat drejtori dhe sekretar shtetëror synojnë, por në bazë të emërimeve të deritanishme, partitë shqiptare do të kenë drejtor kryesisht neper institucione me më pak relevancë. Përveç drejtorive, partitë duhet të caktojnë kuadro edhe për inspektorate shtetërore, byro dhe fonde.
