Policia e Kosovës ka arrestuar sot rreth orës 11 ish-pjesëtarin e UÇK-së, Besim Vokshi. Vokshi është arrestuar në ndërtesën e Gjykatës Themelore të Gjakovës dhe është transportuar për në Prishtinë, ka mësuar Insajderi.
Arrestimin e tij e kanë kryer pjesëtarë të Policisë të veshur me rroba civile.
Besim Vokshi, (1955) nga Gjakova është në listën prej 20 pjesëtarësh të UÇK-së të kërkuar nga Interpoli me kërkesë të Serbisë. Por arrestimi i tij nuk ka të bëjë me këtë urdhërarrest.
Insajderi ka kontaktuar me zyrtarë për informim të Policisë së Kosovës, por ende nuk kanë folur për arrestimin e Vokshit.
