Kreu i Komunës së Velesit, Sllavço Çadiev është pengesa kryesore për nisjen e ndërtimit të shkollës së re fillore në fshatin Kllukovec të kësaj komune ku në kushte të papërshtatshme për mësim 50 nxënës shqiptarë ndjekin procesin edukativo arsimor.
Ky i fundit, sipas zëvendës ministrit të ri të Arsimit, Visar Ganiu, nuk po dorëzon dokumentacionin e duhur në Ministrinë e Arsimit që pastaj të shpallet tender për realizimin e punimeve ndërtimore. Ganiu thotë se Çadiev qëllimisht po e pengon realizimin e kësaj nisme për shkak të ndryshimit të pushtetit.
“Deri më sot, nga ana e komunës nuk kemi asnjë përgjigje..ata na kanë sjell vetëm flet pronësinë pa ekstarkt të planit. Pa dokumentacionin e mjaftueshëm ne nuk mund të fillojmë me punimet në atë shkollë..Deri më tani nuk kemi diçka zyrtare nga ata dhe presim në ditët në vijim që ta marim dokumentacionin e duhur që shërbimet këtu të fillojnë për shpalljen e projektit, detyrës projketuese dhe projketit final për ndërtimin e kësaj shkolle. Ne jemi të gatshëm edhe me rebalancin e fundit..Kemi mjete të mjaftueshme për ti filluar ato punë bazike që të bëhen për shkollën në fshatin Kllukovec” – thotë për Alsat-M, Visar Ganiu, zëvendës ministër i Arsimit.
Deri më sot, kryetari i Velesit Sllavço Çadiev, shumë here ka premtuar se të gjitha procedurat kanë përfunduar dhe dokumentacionet janë dorëzuar në Ministrinë e Arsimit.
“Punët po rrjedhin në bazë të procedurave ligjore dhe ne presim që në pajtueshmëri me Ministrinë e Arsimit gjatë vitit të ardhshëm do të nis ndërtimi i një objekti të ri shkollor. Dokumentacioni është i qartë, është fletpronësia, janë të gjitha nuk ka asnjë problem lidhur me këtë punë. Gjëja e vetme është që Ministria ta vendos në programin përvitin 2018 dhe të bëj thirrje për kryerësin e punimeve ndërtimore. Gjithçak është atje, tani jam në makinë dhe nuk mund t’ju tregoj datën e dërguar.” – ka thënëi muaj më parë Sllavço Çadiev, kryetar i Velesit.
Me rishikimin e buxhetit nga Qeveria për vitin 2017, për Ministrinë e Arsimit është paraparë buxhet prej 23.733.246.000 denarë krahasuar me buxhetin e kaluar që ishte 25.064.174.000 denarë. Për ndërtimin e shkollave filore është paraparë buxhet prej 175 milionë denarë krahsaur me buxhetin e kaluar që kapte shumën prej 200 milionë denarë. Ndërsa për rikonstruimin e shkollave fillore, rishikimi i buxhetit për vitin 2017 parasheh shumën prej 44.900.000 denarë krahasuar me buxhetin e kaluar me shumë prej 50 milionë denarë.
