Ndeshja e së shtunës në mbrëmje në kampionatit francez, Ligue 1, në mes të Amiens dhe Lille është ndërprerë në gjysmë pasi u thyen barrierat e tribunës së tifozëve mysafirë, duke lënë të lënduar 20 vetë, tre prej tyre seriozisht.
Incidenti në këtë ndeshje ndodhi në minutën e 17-të pasi tifozët e Lille po festonin golin e epërsisë në Stade de la Licorne.
Festa e golit të parë bëri që të ndodh rrëzimi nga tribunat!
Goli u shënua nga Fode Ballo Toure dhe tifozët në trans nga gëzimi u lëshuan të festojnë drejt hekurave mbrojtës, por pengesa nuk i mbajti dhe shumë prej tyre u rrëzuar në fushë.
Lille konfirmoi me anë të një postimi në Twitterin zyrtar se 20 persona u lënduan gjatë rënies, prej të cilëve tre u dërguan menjëherë në spital me plagë serioze.
Le bilan des incidents fait état de 20 blessés dont 3 ont été évacués vers l'hôpital. On leur apporte tout notre soutien #ASCLOSC
— LOSC (@losclive) September 30, 2017
Delegati i ndeshjes, Noel Mannino, vazhdoi duke thënë: “Në dritën e ngjarjeve dhe duke pasur parasysh faktin se rreth 20 persona u plagosën, tre prej tyre seriozisht, është vendosur që loja të mos rifillojë”.
Tifozët e lënduar
Pamjet e rrëzimit ishin të frikshme dhe shihej qartë se epilogu përfundimtar i të lënduarve do të jetë i lartë.
Mjekët duke ua dhënë ndihmën e parë
Pas rrëzimit të tifozëve nga tribuna, intervenuan menjëherë mjekët e ndeshjes, duke arritur që disa prej tyre tua dhënë ndihmën e parë.
