Kandidati i PDSH-së për kryetar të komunës së Çairit, Idriz Orana, premtoi se do të përballet me atë që e quajti “mafi urbane” në këtë komunë në përpjekje për t’i adresuar ndërtimet pa leje, njofton Portalb.mk.
“Kam hyrë në garë që të përmirësohen kushtet e jetesës dhe të ketë zhvillim ekonomik për Çairin”, tha Orana në DebatPernime të moderuar nga Jeta Xharra.
“Banorët ballafaqohen me infrastrukturë të keqe si në kanalizim e gjithçka, e të mos flasim për infrastrukturë rrugore. Qytetarët e Çairit nuk kanë parë investime”, tha Orana.
“Ka një mafi urbane që ka ndërtu në këtë komunë. Nuk kam frikën, nuk ka forcë që më kthen mbrapa në realizimin e qëllimit. Ndërtimet pa leje do t’i shembi brenda një viti”, tha Idriz Orana.
