Një ngjarje shpresëdhënëse ka ndodhur sot në Klinikën Universitare për Gjinekologji dhe Akusheri në Shkup.
Foshnja e lindur në muajin e 7 të shtatzënisë, me vetëm 700 gram, ka arritur në peshën prej 2.2 kg dhe është lëshuar nga Spitali në gjendje të mirë shëndetësore.
Viktoria pas 74 ditësh trajtim spitalor tashmë i është bashkuar gjirit familjar.
“Lehona që ka lindjen e parë u hospitalizua më datë 27 dhjetor 2021 në Klinikën Universitare për Gjinekologji dhe Akusheri – Shkup. Shtatzënia ishte e ngarkuar me shumë rreziqe, kurse lindja ishte spontane. Fëmija lindi më datë 4 janar 2022, para kohe, në javën 26, me peshë të ulët prej 700 gram, me gjatësi prej 28 centimetra. Nga Klinika u lëshua me peshë prej 2200 gram”, njoftuar nga KUGJA – Shkup, transmeton TV21.
