Zëvendëskryeministri Artan Grubi sot ka takuar drejtorin gjeneral të ELEM Tours, z. Adem Avziu. Pas këtij takimi, Grubi ka shkruar:
Në takimin e sotëm me drejtorin gjeneral të ELEM Tours, z. Adem Avziu diskutuam mbi potencialin e jashtëzakonshëm turistik dhe ekonomik të qendrës sonë sportive - rekreative Kodra e Diellit dhe projektet që deri tani i kemi implementuar për përmirësimin infrastrukturor të saj.
Përgëzova drejtorin Avziu për punën e palodhshme që bashkë me ekipin e tij po e bën për shfrytëzimin e papenguar të kapaciteteve të saj turistike dhe sportive, si dhe për përkujdesin e përditshëm për nevojat dhe sigurinë e të gjithë vizitorëve.
Në drejtim të avancimit të punës për ngritjen e mëtejshme të atraktivitetit turistik të Kodrës së Diellit, drejtori Avziu padyshim se do të ketë përkrahjen maksimale të Qeverisë.
