Milaim Zeka: “Po të ishte Shefqet Krasniqi në xhehnet, do të dëshiroja të dilja në xhehnem”

Opinionisti Milaim Zeka, i ka reaguar ashpër imamit Shefqet Krasniqi, pasi ky i fundit deklaroi se ish-deputetit Zeka, nuk i beson askush.

Milaim Zeka, në emisionin “Politiko” me Kushtrim Sadiku në Kanal 10, theksoi se “me çu Zoti në xhenet, po të ishte aty Shefqet Krasniqi, do të dëshironte të dilte në xhehnem”.

Zeka ka akuzuar Krasniqin për debatin rreth Adem Jasharit dhe siç tha ai: tentimin për fetarizimin e tij.

Madje, ai shtoi se ka xhirime filmike të Adem Jasharit, duke pirë birra.Në anën tjetër, lidhur me këtë deklaratë të Zekës, Krasniqi tha se nuk dëshiron as të flas për një person të tillë.Madje, imami kosovar, ka kërkuar që të ndëshkohen me ligj njerëzit që bëjnë deklarime të tillë si të Milaim Zekës.