Pas ndeshjeve të së martës të Ligës së Kampionëve, sot është publikuar një video nga një kënd tjetër i njërit gol të Erling Haalandit për Dortmundit kundër Paris Saint-Germainin.
Në këtë kënd dëgjohet zhurma që e bën topi kur e godet rrjetën, duke lënë të kuptohet se për pak sa s’kishte qenë duke e shqyer atë.
Erling Haaland i shënoi dy gola në fitoren me rezultat 2:1 të Dortmundit kundër Paris Saint-Germainit. Goli i tij i dytë ishte një goditje e bukur me këmbën e majtë nga jashtë 16-metërshi, që e la të pashpresë Keylor Navasin.
Ky gol ishte aq mbresëlënës saqë më vonë u publikuan video nga çdo kënd i mundshëm i golit.
谁会赢，请大家预测下。Every angle of THAT Håland goal ！ pic.twitter.com/8Cwv06B0kA
— Rider Boy (@RiderBoy10) February 19, 2020
Sulmuesi norvegjez mori shumë lëvdata pas ndeshjes, pasi që ai arriti ta shënojë golin e tij të 11-të për Dortmundin në vetëm shtatë ndeshje të zhvilluara.
Haalandi e kaloi fillimisht në epërsi Dortmundit, ndërsa gjashtë minuta më vonë rezultatin e barazoi Neymarin me golin e asistuar nga Kylian Mbappe.
Mirëpo, Haaland e befasoi skuadrën e Thomas Tuchelit dy minuta më vonë dhe Dortmundi arriti ta mbajë këtë rezultat për ta marrë fitoren në ndeshjen e parë të 1/8 të finales së Ligës së Kampionëve.
